Recientemente a tuma luga e di cinco (5) torneo di pesca di beach organisa pa Papito Simon y asociadonan. Un grupo di amigo y conocinan, tur amante di pesca for di costa cu tur aña ta bini hunto y haci un competencia entre nan mes pa diberticion y tradicion. E aña aki a opta pa haci e torneo un poco mas grandi y a haci invitacion na publico y a ofrece mas premio.
Un grupo di grandi di mas di 40 participante a inscribi y a tira liña treciendo un gran cantidad di pisca na Eagle Beach unda di mainta tempran e torneo a tuma luga. Na final di e mainta e pisca mas grandi a resulta di ta na nomber di Gilbert Flemming cu un Warashi mas grandi cu tur otro e dia ey. Sr. Flemming a bay cu un dinner for two di Red Fish, Trofeo cortesia di Hadicurari, carchi di setar mas 150 Florin efectivo. Tambe el a haya un trip riba 4 runner cortesia di George Cycle Center. Didi Irausquin a bay cu e premio pa mas hopi pisca, como tambe cu e premio pa e pisca mas chikito. Ademas di su trofeonan cortesia di Hadicurari, Sr. Irausquin a haya gift certificate pa dinner for two, cortesia di Grand Fish.
Martin “Papito” Simon y asociadonan ta gradicido na tur patrocinado cu a sa di contribui pa realisa e evento y haci’ele un exito atrobe. Ta yama un danki particular na Fundacion Centro di Pesca Hadicurari, Palmera Quality Products, George Cycle, Budweiser, Tec inc., SETAR, Andina Ice, Satex, Playa Trading, Casa Haime, Compra, Red Fish, Grand Fish, Aruba Trading, DAC contractor, Meta Corp., Boat and Fishing Paradise Aruba, Dragon Restaurant, Peanuts Restaurant, House of Cakes, el Paisa y Baranca Boat Fishing Aruba.
Na entrega di premionan a honra señorita Vivian Geerman pa su contribucion na e torneo den pasado y su participacion continuo na e evento. E evento mes tabata dedica na John Hassell, un ex- piscado hopi aprecia pa tanto organisado como participantenan di e torneo. E exito, tremendo participacion y ayudo generoso di hopi instancia, ta pone cu organisadonan ta motiva pa sigui desaroya y amplia e torneo di pesca aki, unda ya ta papiando di otro aña caba. Keda pendiente pa mas.