ROMA, Italia – Papa Francisco ta haya cu muhenan “den hopi cos, ta miho cu hende homber,” pero sacerdote nan no lo bira nunca. Esaki el a laga sa diamars sin duda. “E ultimo palabra riba esaki a wordo bisa pa papa Juan Pablo II y esaki lo keda asina,” Francisco a bisa.
Un periodista cu a bula hunto cu papa diamars di Suecia pa Roma, a puntr’e si e tabata kiermen si “nunca nunca” esaki lo sosode. “Si nos lesa e declaracionnan di papa Juan Pablo II, e ta mustra claramente riba esey,” Francisco a contesta.
Su contesta ta den liña cu e doctrina di iglesia, pero asina formal Francisco no a bisa esaki anteriormente.
Na 1994 papa Juan Pablo II a skibri cu iglesia simplemente “no tin e autoridad pa converti muhenan den sacerdote y na e ordenansa ey semper tin cu wordo manteni door di tur siguido di iglesia.”
Fuente: ANP