SANTIAGO, Chile- Pa 7 or y 17 di anochi, hora di Chile, e avion di Alitalia, cu Papa Fransisco abordo, a aterisa na e Aeropuerto Arturo Merino Benítez di Santiago de Chile pa cuminsa su bishita di tres dia na e pais Andina aki.
El a wordo ricibi pa presidente Michele Bachellet y pa e canciyer Heraldo Muñoz prome cu su salida pa un parokia chikito unda el tin su prome parada.
Francisco ta yega Chile mei mei di tensionnan social y protesta di organisacionnan cu ta critica e presupuesto halto destina pa e bishita aki. Ademas tabata tin por atakenan den por lo menos seis misa Catolico, cualnan fachada a wordo kima pa gruponan yama “rebelde” cu a laga pamfletanan politico atrás cu menasanan directamente contra di e pontifice.
E biahe di Fransisco lo cuminsa den e ciudad di Santiago y despues e lo sigui pa e ciudadnan Iquique y Temuco, unda cu e lo tin encuentronan cu e comunidad indigena Mapuche, cu ta bibando un conflicto pa reclamo di nan teritorionan ancestral.
Varios ta e fielnan cu tabata sperando e pontifice na salida di airport y ta calcula cu miles di turista, specialmente di Argentina a biaha bay Chile pa por presencia e bishita di Fransisco na e pais aki.
Fuente: http://caracol.com.co/