CIUDAD DI VATICANO, Vaticano – Papa Francisco a denuncia diadomingo e “actonan di violencia brutal” y cometi “na sanger friu” cu a sosode den e ciudad Iraki di Mosul y a manifesta su cercania na e poblacion di e pais aki.
“Den e oranan dramatico aki, mi ta cerca di henter e poblacion di Irak, en especial e ciudad di Mosul,” e pontifice a bisa despues di e resamento tradicional di e Angelus for di e Palacio Apostolico dilanti cincuenta mil persona reuni riba e Plaza di San Pedro, segun cifranan di e Gendarmeria Vaticano.
“Nos spiritonan ta sacudi pa e brutal actonan di violencia, cu desde demasiado tempo ta wordo cometi contra ciudadanonan inocente, ya sea musulman, ya sea cristian of di otro etnia y religion,” papa a bisa.
E pontifice a manifesta “desola pa e morto cu sanger friu di numeroso persona di e pais stima ey, entre nan asina hopi mucha, pa e crueldad aki a yora, dehando nos sin palabra” den e conflicto riba teritorio Iraki.
“Cu e palabra di solidaridad ta compaña e garantia di mi recuerdo den oracion pa Irak, duramente golpia, sea fuerte y firme den speransa di poder pa bay na un futuro di siguridad, reconciliacion y paz,” Jorge Bergoglio a agrega
E alusion di papa na Mosul ta yega na momento cu ta cumpli un siman di e ofensiva riba e ciudad aki, emprendi pa forsanan Iraki y “peshmerganan” Kurdo, cual obhetivo ta explusa Estado Islamico di su plaza principal na Irak, cu nan ta controla desde Juni 2014.
Fuente: NTN24