CIUDAD DI VATICANO, Vaticano – Papa Francisco a reuni dialuna den Vaticano cu e fundador di e red social, Facebook, Mark Zuckerberg y su casa Priscilla Chan, pa papia di iniciativanan pa combati e pobresa.
Vaticano a informa den un comunicado cu e encuentor a dura mas of menos un 20 minuut den Cas Santa Maria, e residencia di e pontifice den Vaticano.
Durante e encuentro, nan a combersa con pa uza tecnologia di comunicacion pa combati pobresa, stimula cultura di encuentro y con pa haci yega un mensahe di speransa principalmente na e personanan mas desfaboreci, segun e nota.
Zuckerberg, kende ta na Italia desde algun dia pasa, unda el a asisti na casamento di un di e dirigentenan di Facebook, tambe a mantene un reunion cu e prome minister Italiano, Matteo Renzi.
Fuente: NTN24