A pesar di cu ta comun di asocia juice di fruta cu un estilo di bida saludabel. Pero un estudio reciente ta adverti riba e consecuencianan peligroso cu e bebemento di e bebida aki sin moderacion ta trece cun’e.
Adultonan mayor di 45 aña cu ta bebe bebidanan cu hopi sucu, manera refresco, bebida di fruta y juice di fruta, por core un risico mas grandi pa malesanan di curason of otro causanan. Esaki ta segun un estudio presenta den un conferencia di e American Heart Association, reporta EurekAlert!
Den e investigacion a uza datonan di otro estudio nacional unda cu a participa mas di 30 mil persona mas grandi di 45 aña. Despues di a exclui e personanan cu antecedente di malesa cardiaco, como tambe di derame celebral y diabetes tipo 2, a keda cu 17.930 participante, cu a wordo sigui pa 6 aña largo.
E estudio a revela cu e 25% di e participantenan cu tabata bebe casi 0.7% liter of mas di bebidanan cu sucu pa dia, tabata core dobel e risico di morto pa un malesa di curason compara cu 25% di personanan cu tabata bebe menos di 30 mililitro. Ademas, tambe nan tabata tin un riesgo di muri pa otro causanan, incluyendo otro condicionnan cardiovascular. Sin embargo, nan a enfatisa cu e no ta relaciona cu causa-efecto, sino di un tendencia.
Na mes momento, cientificonan no a haya vinculo entre e consumo di cumindanan cu sucu y un mayor risico di morto. E autor di e estudio. Jean Welsh, di e Universidad Emory, a splica cu e cantidad y e frecuencia di consumo di bebidanan cu sucu, compaña pa e hecho di cu nan tin poco nutriente manera vet y proteina cu ta para e metabolismo y asina por splica e diferencia detecta.