Paisnan Suramericano ta pidi Venezuela pa cancela eleccion presidencial

0
RBC Juli 2018
Funmiles-2018

LIMA, Peru – E asina yama Grupo di Lima dialuna a exigi e gobierno Venezolano pa cancela e eleccion presidencial planea pa diadomingo awo.
Esaki tabata pa medio di un comunicado publica pa e Secretario di Relacionnan Exterior di Mexico (SER), e grupo di paisnan conforma pa e canciyernan y titularnan di Finanza di Argentina, Brazill, Canada, Chile, Colombia, Guatemala, Honduras, Mexico, Panama, Paraguay, Peru y St. Lucia cu a conta cu Spaña como pais invita cu a conta cu e participacion di funcionarionan di e Departamento di Estado y Tesoro di Merca. E ultimo aki a bay pa medio di un videoconferencia, cu a pidi pa e suspension di e eleccionnan ya cu e ta wordo considera cu el a wordo “convoca pa un autoridad ilegitimo”.
E eleccionnan presidencial na Venezuela a wordo convoca pa e mandato di e Asamblea Nacional Constituyente (ANC), eligi pa medio di voto na augustus aña pasa. Sin embargo, e integrantenan di e Grupo di Lima, e eleccion falta di credibilidad, ta viola e “la institucionalidad democratico” y e “Estado di derecho”.
Dialuna, faltando shete dia di e eleccionnan unda cu candidatonan di chavismo y oposicion lo participa, e organisacion a cuestiona e proceso ya cu e ta considera cu “no tin garantia necesario”. Di mes manera, e integrantenan di e Grupo di Lima lo evalua “un serie di accionnan cu lo por tuma” contra di e pais Suramericano despues di 20 di mei. Esaki lo ta den e ambito diplomatico, economico, financiero y humanitario.
E comunicado di e grupo a wordo lesa pa e canciyer di Mexico, Luis Videgaray, cu despues di a apoya e suspension di e eleccionnan, el a sigura cu e medidanan represivo cu lo por wordo aplica contra di Venezuela ta dirigi na “contribui na e restauracion democratico”.

Fuente: https://article.wn.com

Comments

comments

C: Heineken
new india
dvg