Pago di debe exterior di Venezuela lo complica e situacion di escasez mas

0

CARACAS, Venezuela- E pais Suramericano aki lo paga 3.5 miyon dollar na debe, cu e mester paga ariba dje entre October cu November di e aña aki. Venezuela lo haci esey, pero a costa di importacion di productonan basico haciendo e escasez di alimento, remedi y otro productonan cu mas pio di loke e pais ta pasando aden caba.
Esaki a wordo comunica door di e Comision di Finanza di Parlamenteo, e economico y academico Jose Guerra, cu ta corda cu parti di e vencimento cu ta acercando, ta basicamente concepto di capital. Pa esaki no tin periodo di gracia y estado mester paga esaki na tempo pa no cay den default.
“Gobierno lo sigui cu e mesun politica di 2016 di paga e debe, sacrificando importacion y esey ta escasez, esey ta e carencia cu ta wak den e productonan fundamental, medicina y alimento”, e diputado opositor desde su eleccion den e parlamento, e unico den man di oposicion.
Estado Venezolano, cu desde 2002 tin monopolio legal di divisa, desde fin di augustus no ta dunando divisias na empresanan priva pa importa producto, debi, segun e parlamentario, cu “tur loke ta drenta ta wordo poni un banda” pa paga e debe.
E interupcion di e subastanan di divisas, un tasa fiha pa Banco Central na 3.345 bolivar pa 1 dollar, ta debi, segun gobierno, na e sancionnan financiero impone na augustus pa Merca.
Problemanan adminsitrativo provoca pa e sancionnan aki, lo por causa cu e compania estatal petrolero Petroleos de Venezuela (PDVSA) lo tin un retraso e luna aki di pago di bononan, cu door cu e ta na concepto di interes, tin un periodo di gracia di 30 dia.

E sancionnan di e gobierno di Trump, cu entre otro, ta prohibi e “negocacionnan di un debe nobo y capital emiti pa e gobierno di Venezuela y su compania estatal petrolero”, lo por haci e situacion mas complica di loke e ta caba e acceso di e pais Suramericano na liñanan nobo di financiacion internacional.

Gobierno Venezolano no por a crea debenan nobo directamente e aña aki door cu e no ta conta cu e apoyo di parlamento, cu pa medio di distinto organonan alinea cu oficialismo a kit’e di su funcionnan legislativo y di control desde cu oposicion a tuma posesion despues di e eleccionnan di 2015.

Fuente: http://hoy.com.do/