HULANDA – Tabata un decepcion pa 80 studiante di curso di koki di ROC Midden-Nederland. E docente, kende mester a prepara e examen di Hulandes, a baha na catuna. E studiantenan mester a haci examen un biaha mas.
E docente no tabata mucho tempo trahando na ROC y ya a laga e studiantenan haci un examen den “spreken” y “gesprekken voeren”.
Algun siman pasa, nan a haya sa cu e resultadonan di e examen no a wordo bon documenta. Trahadonan na ROC a purba di tuma contacto cu e homber. El a wordo yama, email a wordo manda y tabata tin hende cu a pasa na su oficina. Tambe un carta seya no a logra yega na e homber.
“Esaki nunca mi a yega di pasa aden y ya caba mi tin un tempo trahando akinan,” Aris Willems di ROC a bisa. “E ta fastioso. Sigur pa e studiantenan cu a traha e examen.”
Un prueba di nobo
E perhudicadonan a wordo invita pa bolbe haci un examen, sea dia 29 di Juni of dia 3 di Juli. E “herkansing” aki no ta conta como uno oficial. E studiantenan cu no haal’e, por haci esaki di nobo.
“Un storia totalmente apar”
E docente supuestamente a cubri luga di un colega enfermo y tabata tey pa algun luna na ROC trahando. “Tabata un storia totalmente apart. Nos lo bay percura pa esaki no pasa nunca mas,” Willems a bisa. “Naturalmente el a wordo gescreen y controla. Ningun hende a spera esaki. Nos lo pasa door di eski, pero pa nos studiantenan, esaki tabata hopi fastioso.”
Fuente: www.rtl.nl