Sindicato SADA no tin problema pa bay den e direccion di trabaonan di risico, pero nan mester di material pa ehecuta e trabao di risico. Sr. Eduard Maduro, lider di sindicato SADA ta splica.
Douane no tin un containerscan cu nan por confia ariba dje. Aworaki tin containernan ta sali sin cu tin un seyo for di waf. E ambtenaar cu ta sinta na e containerpoort no tin wowonan X-ray pa wak door di e container. E container ta sali sin seyo. E unico siguransa cu nan por tabata tin cu ora cu e ambtenaar bay haci su control di habri e seyo pa haci control, no tin mas. Dus, si tin algo ilegal den e container, nan no por wak’e, pasobra cu no tin un containerscan.
No tin niun tipo di control, door cu e containerscan no ta trahando. Unabes cu e container sali for di waf, ora cu e sali, e ambtenaar por pone un seyo ariba dje y e ta bay. Esey no ta sosodiendo mas. E ambtenaar ta trahando riba un tipo di risico, cual no ta nada straño. Mester di tools, pero tambe di e personal.
Antes tabata corta e seyo y ta controla e carga. Actualmente ta depende di ki tipo di container, p.e. un container di galiña cu ta bin for di Merca, tin menos risico. Dus, un container asina ta sali sin seyo. E ta wordo baha sin control di Douane. Pero no ta paso cu el a bin for di Merca, nada ilegal no ta bin den dje.
Recientemente, un ambtenaar a bay haci un control di e papeleo, y a bin resulta cu a bin cosnan extra den e container cu no ta para den BOL. Si tin un containerscan cu ta traha constantemente y por confia ariba dje, por wak cu en berdad ta galiña so tin. A yega di pasa dne pasado, cu comerciante ta resta luga den container y ta pone extra den dje. SI no tin tur e toolsnan na nan luga, ta pais Aruba ta esun cu ta sufri perdida. Esakinan ta pasa sin paga invoerrechten. Na fin di aña, ora cu haci control y e ingresonan baha, e keho di biaha ta bin cu Douane no ta haci su trabao. Pero e toolsnan cu nan mester pa haci control, nan no ta dispone di dje.
Esaki ta algun di e puntonan cu mester wordo trata cu e minister en cuestion, pa splik’e kico ta kico pa tuma un decision. No ta cuestion cu e duaneronan ta haci cos di malcria, segun Sr. Eduard Maduro, di sindicato SADA a bisa.