E siman aki Formado ta sigui sinta na mesa cu hopi gremionan y otro instancianan pa wak nan punt di bista pa cual Sra. Evelyn Wever – Croes, Formado ta splica con e siman aki ta bayendo pa e gobierno nobo y reunionnan.
A drenta e ultimo fase, cual ta e reparticion di cartera y esey ta e fase cu nan ta aden aworaki. E disponibilidad t’ey, e esfuersoann ta wordo haci pa keda cla mas lihe posibel. Pa loke ta e reunion, cu Sra. Wever- Croes a tene cu e gremionan, desde cu el a haya e opdracht di formacion. Di diferente gremionan a busca algun representantenan, gremionan empresarial, y algun departamento di gobierno.
A cuminsa prome cu e situacion financiero y esey a ten’e hopi ocupa, ya cu a focus mas ariba esey. Despues a sigui cu e parti hudicial, pa loke ta pa trece trankilidad bek pa e pueblo. Aworaki ta papiando cu algun gremio sindical y comercial, a tene reunionnan caba, pero no ta cla ainda.
Combina esaki, plus e negociacion di formacion mas reunion den parlamento, ta pone cu e tempo ta bira corto. Tur cos ta mustra cu lo keda cla e siman aki pa cu e formacion.
Pa loke ta pensamento di e gobierno nobo , despues di a scucha loke nan ta pidi y loke nan ta desea. E sindicatonan di gobierno ta preocupa mas bien pa e trahado. Dimes nan ta pidi un aumento salarial, pero esey no tabata na focus, e focus tabata e bienestar di e trahado. Por ehempel, promocionnan cu ta tarda hopi. E tin di haber cu placa, pero tambe cu tempo, cu si ta traha lihe, no ta haya e problemanan aki. Tin di haber cu e cantidad di trahado cu e gobierno a hinca den e aparato gubernamental. Y e trahadonan ta puntra con ta bay para cu esunnan cu tabata t’ey caba. E tin di haber cu e bienestar y trankilidad cu e trahado tin na pia di trabao y general na Aruba, e insiguridad na Aruba, costo di bida halto.
Esey, segun Sra. Formado ta e enfoke di e reunionnan cu e gremionan sindical y comercial.