Taxistanan despues di a reuni cu minister di Transporte, Sr. Chris Romero a yega na un acuerdo cu e taxistanan pa loke ta e aumento cu nan a pidi. Sra. Linda Orman, vocero di taxistanan ta amplia.
E taxistanan lo manda DTP e lista di prijs, via digital, pa nan hinca esaki den nan sistema pa asina nan tambe ta na altura di loke a wordo acorda. Pa diabierna minister lo haya esaki pa despues e firma e MB, pa despues e drenta na vigor.
Anteriormente, minister a bisa di cu no tur taxista ta di acuerdo cu e aumento, cu ta 4% di e indice. Tur hende ta spanta ora cu nan tende di porciento, pero nan mester tene cuenta cu nan tin 9 aña sin aumento. Y e prijsnan ta mara cu ora cu aproba esaki, e ta wordo mara na un tijdlijn. Den e añanan ey, no por mishi cu e prijsnan mas. Na 2005 a aproba un price list mara pa 5 aña, paso e ta di 2005 pa 2009, dus pa 4 aña. Na 2007, BBO a bin na vigor. Ya eynan, e prome golpi e taxistanan no por a absorbe. Di dos, ora cu a traha e price list di 2009 pa 2012. Na 2010, a bin un ahuste di BBO. Esaki kiermen, den e trayectorio, aki nan a cuminsa cay atras for di 2006 bin ariba. Ora wak e indice via CBS, pro wak claramente cu nan a uza 2006 como basisjaar te cu 2017; ainda mester wak pa 2018, kico ta e efecto di e crisisheffing entrante 2018.
Segun Sra. Orman, no por haya tur e taxistanan 100% ariba un solo liña. Pero un grupo grandi, cu aworaki nan ta wak cu nan ta legalisa cu tur eseynan, e ora ta bay haya mas cu ta bay yega den 90 cu ta bay ta pro e aumento.
Semper tin un grupo chikito cu ta contra, pa cualkier motibo, cualnan tambe ta motibo. Pero semper tin un parti chikito cu no ta bay hunto cu e grupo grandi. Si minister firma e MB, ya pa weekend e prijs lo aumenta, segun Sra. Linda Orman, di e gruponan di taxista.