Presidente di Aruba Reef Care, Sr Castro Peres, ta contento cu e ley di saco di plastic a drenta na vigor. Mas o menos 15 aña pasa AHATA Environment Foundation y Aruba Reef Care a cuminsa cu e campaña unda cu varios negoshi a stop di duna saconan di plastic. Tin un negoshi conoci cu tin hopi tempo cu e no ta duna saconan di plastic mas, y e hendenan ta custumbra cu nan mes ta bay cu nan mesun saconan reuzabel.
Sr. Peres a sigui bisa, cu e saconan di plastic tabata bula hopi riba beach y ta cay den awa. Esaki ta forma un peliger pa e tortuganan cu ta stik cu e saconan aki, door cu e ta confundi e saconan di plastic cu p.e. jellyfish. Tin varios paisnan rond mundo cu a stop di duna saconan di plastic y aki na Aruba ta gewoon cuestion di custumbra. E no ta algo totalmente nobo pa cu Aruba, Sr. Peres a enfatiza.