Awor mester bay traha mas riba desaroyonan pa drecha nos producto Aruba y p’esey pa amplia mas ariba esaki.
Problemanan di luho cu Aruba tin, ta limita e habilidad di captura mas demanda. Mester tene cuenta cu otro aña tin diferente proyectonan di renobacion, caminda cu Hyatt lo ta cera pa renobacion completo di hotel. A pesar cu e ta bay den fase, esaki tambe kiermen cu tin menos camber disponibel. The Mill Resort, lo comberti den Courtyard by Marriott, cual tambe lo pone presion ariba e cantidad di cambernan disponibel. Ora cu tin demanda y tin scarsedad di camber tambe, sigur cu algo cu lo por premira ta cu e prijsnan pa estadia na Aruba, lo subi tambe. Esaki ta algo cu Aruba a sa di posiciona su mes ariba nivel di prijs, relativamente mas halto cu otro nan den Caribe. Tipo di fenomenonan aki, mas demanda cu tin, ta pusha e prijsnan tambe.
Hopi importante, segun Sra. Tjin Asjoe- Croes, ta pa e turista ta sigui ta dispuesto di paga mas, pa e experiencia cu nan tin akinan. Den cuadro aki, ta hopi importante pa pone mas atencion na nos producto turistico. Esaki ta loke ATA a bin ta bisando pa hopi tempo caba y nan lo sigui haci esaki na 2018. Bo pidi e turista pa paga mas, na su turno nan tambe ta demanda na nos como destino. E ta algo cu lo sigui enfoca ariba dje, mirando cu e vision pa Aruba no ta pa amplia den cantidad di camber, di e manera cu el a wordo haci na añanan 1990. Pero esey kiermen, cu ATA tin como tarea pa zorg pa stimula e bishitante pa paga mas, pero esey mester bay man den man, pa ofrece un experiencia un poco mas eleva di loke tin aworaki.
Locual a sali dilanti di investigacion cu ATA a haci, y esaki ta parti di e plan tambe cu ta disponibel pa un y tur, “Cu Mira Pa Futuro”, unda cu por tin ampliacionnan pero acomodacionnan boutique, ta pa diferencia di locual tin na Aruba y locual tin na Caribe. Acomodacionnan cu ta permiti Aruba di tin acomodacionnan di cinco strea, mas calidad. Experiencianan toch unico y exclusivo. Esey ta e direccion cu ATA ta kere cu lo mester bay pa loke ta trata e parti di e topico di hotelnan.
Mas aleu e CEO di ATA, Sra. Ronella Tjin Asjoe- Croes ta sigui bisa cu den e mesun plan “Cu Mira pa Futuro” tin diferente accionnan cu ta enfoca cu loke ta di nos. Mustra mas di e parti di loke ta haci nos unico y autentico, mas enfokenan cultural mester bay dilanti. Esey lo bay ta un enfoke di ATA . Mas cu claro, e not a bay ta di ATA so, ya cu ATA su papel den e contexto ey ta hopi limita. Ta hopi importante pa tur hende ta ariba e mesun liña.
Un di e topiconan cu ATA a trata cu e minister ta, cu ariba un manera integral pa gobierno duna atencion na diferente puntonan cu ta toca e producto turistico. E no ta un asunto di ATA solamente, no ta un asunto di Ministerio di Turismo solamente, pero ta diferente ministerionan cu sigur cu nan sosten, lo por logra e ora si, ta hopi alinea ariba kico ta bon pa Aruba su turismo y mas cu claro ariba Aruba su comunidad.
ATA a haci su tarea di delinea tur e puntonan di accion, y esaki ta sigur un punto hopi importante cu tin e atencion di e minister di Turismo y di Cultura. Diferente ramo di sector hotelero lo mester hisa e calidad di servicio na turista, pero ta lamenta cu un biaha tin cierto cosnan cu a pasa dilanti nos bishitantenan y esey a papia cu e liñanan crucero.
Loke a pasa cu e touroperadornan dilanti nos bishitantenan crucero, no mester pasa mas. No ta normal cu ARuba ta sinta cu liñanan crucero y ta papiando di cosnan asina.
Por lo general, a wordo bisa cu Aruba ta score hopi bon. Pero tin hopi puntonan di atencion, e variedad di loke ta wordo ofreci. Mester stimula entrepeneurnan pa bin cu diferente ideanan, mas ariba e experiencia cultural, un experiencia cultural aki na Aruba. Esey ta un ehempel di algo cu por wordo mehora y en berdad mester sigur pone bon bista ariba cuanto nos por atende y maneha na un momento den un dia. Segun Sra. Tjin Asjoe, esey tin di haber di maneho cu e fluho di cantidad di bishitante.
Tin diferente aspectonan, unda cu ATA a contribui cu desaroyonan na diferente area, den desaroyo di diferente kiosknan, den diferente areanan, pa asina alivia un poco e presion cu tin ariba e diferente beachnan den areanan di e sector hotelero. Den high season ta conta cu un fluho grandi di bishitantenan. Mester trece un balansa entre esunnan cu t’ey caba aki na Aruba y esunnan cu ta akinan pa un rato, segun Sra. Ronella Tjin A Sjoe- Croes, CEO di ATA.