TECNOLOGIA
E compania Symantec, specialisa den siguridad informatico, a bati alarma pa un variante nobo di e virus Fakebank, cu ta intercepta yamadanan dirigi na banconan door di usuarionan di ‘smartphones’ di e plataforma Android.
E specialistanan a descubri cu e aplicacionnan infecta cu e malware aki ta capas di intercepta yamadanan relaciona cu entidadnan bancario, tanto yamadanan haci como yamadanan ricibi. Pa awo, esaki a afecta e clientenan di banconan Surcoreano.
Ora cu e usuario conecta cu’n banco real, e virus ta intercepta y ta redirigi e yamada pa un number modifica y configura pa estafadonan. Di mes manera, e ‘malware’ por laga e delincuentenan haci yamada, laga pasa cu e ta yamda di su entidad bancario.
Di e manera aki, e malhechornan a reuni informacion financiero riba un usuario cu por uza na su mesun beneficio. E versionnan anterior di Fakebank a reemplaza e aplicacionnan di banco electronico di Android, pa otronan fraudulente y ta stroba e usuario di avisa su banco.
E virus aki a haya 22 aplicacion di Android cu a wordo difundi a trabes di tiendanan di aplicacion di tercera persona y enlacenan cu ta wordo geshare ariba rednan social. Esaki ta al momento activo unicamente entre usuarionan Surcoreano. Pa proteccion di e virus, ta recomenda pa descarga solamente di conexionnan sigur, como tambe instala aplicacionnan di siguridad.