INDIANA, Merca- E sospechoso di e tiroteo den un scol na Noblesville, Indiana (Merca) a wordo deteni, segun e servicio local di bombero a informa.
Al menos dos persona a resulta herida despues di cu’n persona arma a cuminsa tira den un scol di e ciudad di Noblesville, diabierna.
Ambos herido ta den un estado critico, mientras cu e sospechoso ya caba a wordo deteni, según medionan local ta informa. E victimanan ta un hoben di 13 aña y un adulto.
Polis y bomberonan di e ciudad a yega na e luga di e suceso despues di cu bomberonan di e ciudad a yega na e luga di suceso ora cu nan a wordo informa di un denuncia di un persona arma.
Un studiante a sigura cu e docente di Ciencia Natural a duna resistencia y a logra desarma e atacante, AP ta informa.
Un ekipo di e forsa special di polis Mericano (SWAT) a haci un chekeo di e instalacionnan di e scol, cu a wordo cera cu cinta policial.
Autoridadnan a pidi pa manda mas asistencia medico na e luga di e sucedido.