Otro siman diaranson 2 di November Mr. Terry Lemerond lo tey un biaha mas pa duna un seminario di salud.
E biaha aki Mr. Lemerond lo papia entre otro tocante dolor di cabes y migraine, dolor di lomba, stress y tension y tambe lo papia tocante diabetes y cancer di prostaat.
Tin hopi hende cu ta sufri di dolor di cabes y migraine. Durante e seminario Terry ta bay splica e diferente componentenan con pa reduci dolor di cabes y alivia dolornan di migraine.
Diabetes no ta algo cu ta afecta Aruba so pero mundo completo, e ta un malesa cu ta keda crece den e comunidad. Diabetes ta algo cu ta bin di un persona su opcionnan di estilonan di bida y diet. Terry lo splica y siña participantenan con pa cambia nan manera di come y duna consehonan con tiki tiki por haci cambionan den nan bida pa asina mehora nan salud.
Terry tambe lo splica tocante diferente tipo di yerba of remedinan di tera cu a mustra beneficionan contra diabetes cu un persona por tuma cu ta baha nivelnan di sucu den sanger.
Un di e yerbanan aki cu Terry kier intruduci ta “Hintonia” e ta un yerba cu ta bin di Sur America y a wordo studia na Alemania pa mas cu 60 aña y su efectonan riba sucu den sanger. E estudio haci riba e yerba aki ta mustra cu e por baha e sucu den sanger den apensa 2 pa 3 siman, e ta un yerba cu ta traha sumanente lihe den bo sistema y cu ta mehora e calidad di bida.
Un otro yerba cu Terry lo papia di dje durante e seminario ta “Curcumin”. Curcumin tin un alcanse amplio di actividadnan pa corregi e curso di e vianan den e curpa. Dokternan a cuminsa bisa cu Curcumin ta birando un replasante pa diferente pildonan. Curcumin tin beneficionan contra cancer di prostaat y tambe tin beneficionan pa pecho, celebro, wowo y curason te hasta e ta bon pa bo sistema di inmunidad y higra. Curcumin ta un yerba cu hopi beneficio pa un hende su curpa.
Terry kier a invita pueblo di Aruba pa bin scuch’e dia 2 di November na Hyatt ballroom pa 7:30 di anochi pa solamenta AWG 12,50. Bin scucha y siña con pa biba un bida mas salud y cu menos dolor.