Diabierna mainta, durante e tratamento di e caso di M.T. acusa di a mata ex- director di Serlimar R. Fingal, hues a trata e caso tambe di menasa cu un preso a entrega contra di M.T.
DENUNCIA DI MENASA
E preso Y.T. a entrega un denuncia contra di e dama Chines M.T. pa menasa. E caso aki a sosode na Februari, den e werkplaats di KIA.
Segun declaracion di M.T. e otro preso Y.T. nunca ta dirigi e palabra, pero e dia ey el a bisa “hey, hey” y ta cana bin dal den M.T.
Y.T. ta conoci pa ta un persona cu ta bully e otro presonan y tambe M.T.
Esaki tabata tin basta dia caba cu ta tumando luga, y M.T. bisa cu e dia ey el a cansa.
El a bisa Y.T. bay den m…. , “mi ta bay matabo”
El a pasa man cu un shovel, bay te na e gazebo na unda e otro preso Y.T. tabata ta y kier a dal’e cu e shovel. Un bewaakster cu a yega a kita e shovel for di M.T. Segun M.T. ta hopi biaha caba el a bisa e bewaakster nan cu Y.T. ta molestia su persona. Y..T lo a laga sa, cu e dianan cu e falta ainda den KIA, e lo zorg pa haci M.T. su bida imposibel.
FISCAL
Segun Fiscal, ta parce cu M.T. ta mas preocupa pa su situacion den KIA cu loke a pasa den e spa. Loke a pasa den e SPA ta mucho mas grave cu e situacion den KIA.
Pa e dama Chines aki, Fiscal a pidi 10 aña di prizon p’e den caso di asesinato di R. Fingal.