DUBAI, United Arab Emirates — Diamars un trahado cu tabata cumpliendo cu su funcionnan labora den e obra di Al Wakrah, stadion cu ta bou construccion pa alberga partidonan di e mundial di Qatar 2022. E informacion difundi pa e organisadornan, cu no a precisa e causa.
“ Un homber originario di Nepal, di 23 aña, a perde su bida mientras e tabata trahando riba e stadion di Al Wakraha”, e Comite Supremo pa Entrega y Legado, entidad responsabel di e organisacion mundial, den un comunicado.
E institucion a afirma tambe cu ta realisando un investigacion riba e morto di e trahado y cu mas despues lo duna detayenan riba loke a sosode. Esaki ta e di tres trahado cu ta perde su bida den e obranan di construccion di e stadionnan pa e mundial, segun e organisadornan a anuncia.
Quatar ta blanco di critica pa e condicionnan laboral den preparacion pa e Copa Mundial.
Un trahado Britanico, Zachary Cox, a muri ora cu el a cay for di un haltura di 40 m na januari 2017 na e Khalifa International Stadium. Un patologo Britanico a bisa cu e practicanan di labor peligroso a contribui na su morto.