MIAMI, Florida – Polis ta investiga morto di un muhe di 30 aña, tras di somete na un operacion di cirugia plastica den un clinica di e localidad di Doral, anexo na Miami, medionan local a informa awe.
Lattia Baumeister, residente di Rock Island (Illiniois), a muri diahuebs, despues cu a haci un tratamento estetico den e centro di Seduction by Jardon’s Medical Center y tabata mester a wordo ingresa di urgencia den Kendall Regional Medical Center.
Ta desconoce ainda e causanan di su fayecimento, kende tabata e dokter cu a oper’e y ki tipo di cirugia a wordo practica, e corant The Miami Herald a indica.
Ta trata di e di tres caso, al menos, di un muhe residente den otro estado cu ta fayece tras di somete na un cirugia plastica den zuid di Florida.
Na Mei, Heather Meadows, residente di West Virginia, a muri di un paro cardiaco, despues cu a practica un tratamento estetico den e clinica Encore Plastic Surgery di Hialeah, cerca na Miami.
Y na Maart, Ranika Hall, di 25 aña y natural di Kansas City, a muri despues di a somete tambe na un centro di estetica di Hialeah pa e operacion denomina “brazilian butt lift,” cu ta consisti den e liposuccion di vet di un parti di e pashent pa inyect’e den e gluteonan y aumenta su tamaño, un di e operacionnan mas solicita den e tipo di clinicanan aki.
Fuente: www.efe.com