Team Aruba ta logra nan di dos medaya den e Weganan Suramericano Hubenil Santiago 2017 na Chile cu e landadora Keeley Maduro den e 50m mariposa. Tabata net landamento nan ultimo oportunidad pa gana medaya mirando cu no tabata tiin mas competencia. Nos muchanan a drenta den 5 final pero no tabata tin e suerte pa logra medaya pues Keeley Maduro tabata e speransa pa Aruba y ta logra tog pa gana un medaya pa e deporte di landamento. Mas cu claro henter e delegacion a aplaudi esaki en grande.
Mester bisa cu e landadonan Daniel Jacobs y Keeley Maduro mester a landa nan disciplina faborito esta e 400m free y 50m fly. Daniel Jacobs a inicia su recorido riba e 400m free na caryl 7 unda e ta termina cu un tempo registra di 4.09.96 mientras esaki tabata bon pa un di 7 lugar. Mester bisa si cu Daniel tin un personal best di 4.01.85. E competencia a wordo gana pa Colombia.
Despues a bini Keeley Maduro riba e 50 fly, aki Keeley tabata tin un tremendo start y ta forza bon den e ultimo meternan di e competencia unda e ta bin registra un tremendo tempo di 28.72 hunto cu e landador di Brazil y aki Keeley ta logra medaya di brons pa Aruba.
Pabien Keeley Maduro, coach Ismael, e federacion di landamento y mas cu claro mayor, famia y conocinan di Keeley y Aruba completo.