NEW YORK CITY, New York – Polis di New York a informa cu un peaton a haya un cadaver den e Conservancy Pond di Central Park.
E testigo a informa cu el a mira e curpa ta flota den awa y el a tira su mes aden pa rescata e persona, pensando cu e tabata bibo, pero el a nota cu esaki ya no tabata asina.
E curpa a wordo confisca pa personal di polis y un medico forense lo ta esun cu lo determina e causa di morto.
Luna pasa a haya dos curpa den e parke, cu menos di 24 ora di diferencia.
Servicionan di emergencia a recupera e di dos cadaver, di un homber y den un estado avansa di descomposicion den un lagun cerca di e caya 59 y 5th Avenue.
E otro curpa den descomposicion di un homber sunu, a wordo haya den un otro lagun di e parke, na altura di caya 76, segun polis.
E cadaver no tabata presenta señalnan di violencia, segun fuentenan policial a bisa. Ta pensa cu e homber por a hoga.
Fuente: https://eldiariony.com/