UAGADUGU, Burkina Faso- Por lo menos 18 persona ta perde nan bida y decenas di persona ta resulta herida den un atake perpetra door di dos homber arma. E hecho aki a tuma luga den un coffeshop den e capital di Burkina Faso, Uagadugu,s egun datonan ofreci na Reuters door di funcionarionan oficial.
E atacante yihadistanan, segun e Ministerio di Comunicacion, a cuminsa tira den e coffeeshop Istambul, ubica den un avenida hopi concuri den e capital. E operativo di e forsanan di siguridad a dura te cuater hora despues, cual tabata tin como resultado dos presunto terorista morto. Medionan local ta sostene cu tabata tin tres atacante.
E nacionalidad di e victimanan no ta conoci, segun e servicio di informacion di gobierno, aunke si ela confrima cu entre e fayecidonan tin un ciudadano Turco y cu lo por tin mas victiman internacional.
Presidente di Ankara a confirma e morto di su ciudadano y a emiti un nota unda e ta condena e “atake terorista cu a causa hopi mortonan inocente na Uagadugu. Nos ta lamente e perdida di un di nos ciudadanonan”, segun e ministerio Turco di Relacionnan Exterior a bisa den un comunicado. “Turkia lo sigui apoya y mustra solidaridad cu Burkina Faso, cu lamentablemente a bira e obhetivo di terorismo internacional den e ultimo añanan”, segun e minister a agrega.
Fuente: http://www.huffingtonpost.es