HILVERSUM, Hulanda – E club di futbol Hulandes, Vitesse dialuna a hay’e confronta cu un otro caso di abuso di un ex- hungado hubenil. Tata di e victima a tuma contacto cu e club pa asina esaki por yud’e drenta den contacto cu un otro victima, Renald Majoor. Esaki a wordo confirma door di director di Vitesse, Joost de Wit.
Durante añanan 90 varios tabata e victimanan cu a wordo abusa door di hungadonan hubenil di PSV y Vitesse, entrenan Majoor. Na 1996, como un hungado di 12 aña el a wordo agredi sexualmente y a wordo secuestra pa un anochi di e lider di e oncena.
Majoor a tene esaki secreto pa 20 aña largo y a trece esaki den publicidad despues di un caso di abuso na Inglatera unda cu posiblemente mas di mil hungado hubenil tabata victima.
Vitesse a bisa di lo investiga e alegacionnan di e tata. “Ta nos intencion pa discuti esaki”, segun De Wit. E club di division di honor asina kier kibra e taboe cu tin rond di agresion y abusonan sexual cu ta tuma luga den mundo di futbol.
Fuente: De Telegraaf