Ora cu mira kico e resultado ta, ora cu como minister ta haci tur empeño pa percura pa yuda, apesar cu no ta minister di husticia, pero bo ta un team, bo ta un famia cu mester pa yuda otro y ta pone fondonan disponibel y mira con sistematicamente boycotnan ta tuma luga y ta boycotea funcionamento dentro di e gobierno ey, segun ex minister Otmar Oduber, na ocasion di su retiro di inmediato como minister.
E ta sigui relata cu ora bo mira cu di ariba, di coleganan, instruccion ta wordo duna pa no coopera cu departamentonan di otro colega, sino tin un problematica di taxi piratanan na Aruba, pasobra miho laga e minister mustra malo, laga e piratanan sigui core riba caminda, pero ta duna opdracht, instruccion pa no coopera cu e departamentonan y asina por sigui menciona.
Ora den e documento aki ta atende riba un situacion cu den e pais aki no tin espacio despues cu un Gobierno ta haya un sosten despues di 4 aña y cu pueblo ta dunabo e mandato cu un crecemento nunca bisto den masha poco pais rond mundo, cu bo ta kere cu bo por uza e mandato ey pa por haci y deshaci y mira con bo ta trompica otro banda dibo pa abo pasa dilanti.
No por ta asina cu den tur e intento cu ta wordo haci, combersacionnan cu ta wordo teni, combersacionnan cu a purba, cu Oduber a duna tur di su banda pa e responsabilidad ey cu ta sinti cu tin cu carga pa e 4008 y mas di e 30 milnan cu a vota pa AVP, pero mas cu esey pa tur cu a vota y ta biba riba e baranca aki, pasobra un Gobierno no tey pa bo votonan, e no ta pa e votonan di bo partido, Gobierno ta pa henter e pais.
Y ora e mira loke a tuma luga den e ultimo simannan, cu a para fuerte, cu respet, nunca a ataca un hende personalmente, pero si ataca e issue cu tin cu defende e comunidad. Ora a hiba un lucha pa loke ta e ley di all inclusive, pa por defende no djis e grandinan cu tabata defende nan interes. Ta respeta esey, cu tambe mag di defende nan interes. Pero cu ora cu mira cu den e mesun Gobierno dibo cu ora bo ta hibndo un maneho cu e prome minister ta sostene y mey mey di e lucha ey, un minister ta yega asina leu di firma un documento pa duna un hotel 600 camber di all inclusive, e ora e principio di Gobierno no por ta serio.
Nos a purba, Oduber a enfatisa.