Den un conferencia di prensa yama pa e politico y ex minister, Otmar Oduber, el a splica mas di e decision cu el a tuma pa loke ta su futuro carera politico.
Durante e conferencia di prensa, e tabata hunto cu su casa, su mayornan y tambe su yiunan y a comenta cu pa yega na e conferencia di prensa, mester a pidi bendicion na su hendenan pa un momento special y tambe un decision hopi importante pa su persona.
Manera ta conoci recientemente Oduber a entrega su retiro for di Gabinete Mike Eman II, na momento cu naturalmente a sinti cu no tabata tin e espacio mas pa por yega na acuerdonan riba e partinan di principio, e base riba cual a drenta politica y semper a uza e vehiculo cu a uza pa casi 20 aña den politica activo. Despues di un trayectoria asina largo cu e partido, cual no tabata uno facil, a purba na tur momento pa yega na acuerdonan cu a conduci na Januari un bishita cu a tuma luga na gobernador di Aruba y despues di esey un proceso cu a desemboca den loke a tuma luga dos siman pasa na momento cu Oduber a entrega oficialmente su retiro for di Gobierno. No tabata un decision facil y pesey awe a haci’e un biaha mas den seno familiar, cual ta asina importante, pasobra base di un persona cu drenta politica, ta su famia, ta esunnan cu ta sufri hunto cubo apesar cu nan no a scoge pa drenta politica, maske cu nan no ta den e mikpunt di critica cu tin den politica. Esnan cu mas ta sufri hunto cubo y ta alegrianan tambe hunto cubo, ta bo famia. Ta bo casa, ta bo yiunan, ta bo mama, bo tata, bo suegronan, bo rumannan, primo y primanan y amigonan cu naturalmente semper den su carera a considera tur como famia, como ruman manera e sa bisa tur biaha. A tuma e ultimo dos siman y mey su persona pa combersa cu hopi hende. Pa delibera cu un gran cantidad di hende, cu famia na prome luga, cu amigonan cu sostenedornan. Esnan cu a duna confiansa, pero tambe papia cu conciudadanonan en general pa despues di 19 aña cu tabata activo den politica y tin cinco eleccion su tras cu a forma parti di e organisacion politico cu e tabata forma parti di dje y despues di casi 27 aña di ta sostene e partido, tabata un momento di reflexion y combersa, y dialoga y por ta hasta tuma tempo pa cual a bay algun dia den exterior tambe, pa por zink bo mes in, reflexiona naturalmente tambe riba e gran cantidad di trabaonan cu a wordo haci y ta bis’e cu hopi orguyo, cu e team grandi cu e tabata tin pa 7 aña su tras, pa e logronan cu tabata tin pa Aruba, e decisionnan cu a wordo tuma, cu manera ta conoci, no ta basila pa tuma nan ora di tumanan, pero tambe e reflexion riba si continua of si sigui kico lo cambia.
Ora bo ta un minister tin hopi cos por bay bon y malo y tin cos cu bo mester siña di dje y pesey awe por wak atras di loke a haci den gobierno di AVP sigur hopi hende ta contento pa cual aki Otmar Oduber ta splica su punto di bista pa su vision pa futuro.
Oduber a sigui bisa cu nada no ta completamente perfecto. Pero ora cu tin e responsabilidad cu a haya di comunidad pa ta mandatario, tin cu tuma decision sino nan ta tuma nan pabo. Bo tin cu tuma decision y no tur por bay 100% bon. Tin cu por ta despues ora cu bo refleha bek, bo ta bisa cu por ta tin cos cu por a haci diferente. Pero importante ta ora cu wak atras riba un trabao enorme, orguyoso, sumamente complaci pa e trabao grandi cu a wordo haci. Prome cu a cuminsa cu e rueda di prensa, tabata haya yamada di un gran cantidad di taxista y personanan cu ta traha den tourbusnan na Aruba y ta bis’e pa disculpa cu nan no por tey, otronan cu si tey cu a logra yega na su cas, y tambe amigonan. Ora e wak pafo y nan bisa cu tin tres barco un biaha mas pafo, dos di nan cu tey awe, ta barconan cu ta yamadanan inaugural. Tin casi 10 mil pasahero na Aruba pa loke ta mundo crucero y wak atras, ta mira cu satisfaccion grandi, cu hopi trabao a wordo haci, pero tambe cu hopi trabao mas falta pa wordo haci y por wordo haci. Den e reflexion ey di tur e cosnan bon y tambe otro cosnan cu lo por cambia na caminda, a consulta y awe kier a anuncia oficialmente hunto cu su famia cerca di dje, cu un etapa nobo den politica ta habri su portanan pa Oduber y caminda cu conhuntamente cu tur esnan cu a yega na nan, pa por a consulta nan, pero tambe esnan cu ainda e no a yega na dje, cual ta masha hopi mes cu lo tuma e tempo den e dianan nos dilanti pa yega cerca nan, a tuma e decision cu Oduber lo participa na eleccion 2017 cu un plataforma nobo politico na Aruba y como tambe den e caso aki un forsa nobo pa por trece igualdad pa tur esnan cu te na e momentonan aki ta sinti cu nan no ta haya un voz den e Gobiernonan cu tabata tin, no a haya un representacion den e cantidad naturalmente di partidonan cu a forma Gobiernonan durante e ultimo añanan y pesey ta un honor pa Oduber di bisa cu despues di un evaluacion dificil, pasobra una bes cu tin e carera ey tras di lomba, cuminsando na un edad hopi hoben y awe na su di 44 aña tuma e decision, cu apesar cu por a retira, ta prefera di sirbi e comunidad aki cu e mesun gana cu e mesun fervor, cu e mesun forsa cu a haci’e durante di e ultimo 19 añanan cu e ta riba lista y casi 15 aña den oposicion, sea di Parlamentario of di Minister, pa por sigui haci e trabao den nomber di comunidad.