Camara di Comercio ta brinda e oportunidad na cada partido, despues di un proceso basta pisa cu a tuma luga durante e ultimo dos simannan aki. Sr. Otmar Oduber ta amplia mas.
Nan organisacion, e lista pa participa den e proceso democratico dia 22 di September a keda cla den mita dia. Nan programa, Vison 2017-2021, ta ariba nan pagina di Facebook, pa lesa y download esaki. Naturalmente POR ta na altura cu e proposicion cu nan partido tin 22 di September y e cuatro añanan di gobernacion.
E debate di Camara di Comercio ta contribui un biaha mas na e proceso aki, na e proceso cu nan ta contento segun Sr. Oduber cu ta contribui na cambia e enfoke cu tin ariba e temporadanan di informacion. Brinda naturalmente, dato- y informacionnan concreto di unda nan ta para y unda nan pais lo mester ta den algun aña. Esaki ta e proceso cu nan ta encamindando na un proceso hopi serio door di pone un programa ariba pia. Programa cu a sali despues di a reuni cu mas di 60 grupo y instancianan aki na Aruba. Despues nan a pone e plan di accion habri pa e comunidad y duna comentario, opinion ariba dje y esaki a desemboca naturalmente den e programa cu a caba di wordo publica siman pasa. Di nan parti, nan sa cu e epoca nan dilanti, no ta uno facil, ya cu naturalmente mester bay enfoca ariba e parti humano ariba cual ta construi, cu mester ta fuerte, solido. Esey ta enfoke tambe di e programa di partido siman pasa.
Sr. Oduber kier haci e inivtaicon na e comunidad di Aruba, pa sigui e debate aki. El a duna elogio na Camara di Comercio, unda ta pone oportunidad pa cuater otro candidato ariba lista, por ta forma parti di e debate. Lo pone mas candidato disponibel pa informacion.
Na diferente ocasion a bisa “We walk the talk”. Ta pone palabra tras di hecho y a pone millenials den posicionnan clave y nan lo forma parti di e debate di parti di partido POR.