Durante un conferencia di prensa cu a tuma luga na cas di su mayornan, Otmar Oduber, kende anteriormente tabata minister di Turismo, Transporte, Cultura y sector primario, a anuncia di a tuma su retiro. El a entrega un cartacaminda cu e ta retira su posicion como di inmediato, awe mes, dia 3 di November.
El a cuminsa cu e conferencia relatando un dicho cu su propio yiu homber di 19 aña a bisa “Nos bida ta caba na momento cu nos permiti silencio y tapa cosnan importante pa nos comunidad.” Un hoben di apenas 19 aña cu mescos cu su otro tres yiunan, su casa, su mayornan y demas famianan, a dedica hopi aña di nan bida, sosteniendo e, apesar cu nan no tabata riba un lista politico.
Pa casi 20 aña den politica activo, a duna su persona 4008 voto, cu a representa na e manera di mas digno cu por tin. Esaki ta pa alerta cosnan cu no ta bay bon. E no a drenta un partido y no ta forma parti di un Gobierno pa sin mas acepta tur loke tin cu bin, pasobra bo ta sinta riba un stoel pa bo goberna. Bo stoel ta fia y e mandato a wordo duna door di pueblo, e ex minister a relata.
Segun Oduber, e asunto aki ta andando for di aña pasa y awor a yega un punto cu tur cos a cay den otro. Na Januari a pone varios punto cu a combersa den conseho di minister. El a spera cu den un forma serio a yega na acuerdonan firma den conseho di minister,