Tin speculacion cu lo tabata tin discusion pa loke ta otro ministernan cu lo kier tin mas placa for di fondonan di ATA, cual segun Otmar Oduber ta corecto.
Oduber ta splica cu e ta lamenta cu ta mustra cu hopi biaha ta pasa leynan y por ta no ta compronde mesun leynan cu ta pasa. Den e caso aki, tabata tin hopi interpretacion robes di ley, siendo cu fondonan di ATA ta fondonan cu ora bo tin un net reserve, ta bay den presupuesto di minister di finansas directamente. ATA, ta e unico Sui Geniris na Aruba cu tur aña ta entrega su presupuesto anual, unico Sui Geniris cu ta mande Parlamento y e unico instituto cu a wordo auditoria door di Centraal Accountants dienst, pa tur su transaccionnan y cu a haya un auditoria cu tabata sumamente positivo y cu e partinan cu tabata falta pa mehora, lo wordo mehora.
E ex mandatario a enfatisa cu departamento di ATA Sui Geniris tin su meta. El a sirbi su meta durante e ultimo añanan aki y ta spera cu den e proximo lunanan y añanan lo sigui mantene e spirito y ley pa cual ATA a worod lanta p’e, den consideracion ora di maneha e departamento aki.