Osteoporosis: con pa preveni un di e malesanan mas frecuente

0

Limita di come demasiado caloria y corta den e diversidad di e dieet cu e fin di baha di peson boluntariamente, ta un comportamento cu ta pone den risico e salud di nos wesonan. E clave di specialistanan pa fortalece e sistema di nos wesonan.
E magnitud di e expansion di osteoporosis ta alarmante. Na nivel mundial, e malesa aki ta afecta 1 di cada 3 muhe di entre 60 y 70 aña y na 2 di cada 3 di esunnan riba 80 aña. Na Argentina ta wordo calcula cu 1 di cada 4 muhe post menopausa tin e tendencia, den por lo menos un area di su skelet.


“Esaki ta un malesa cu por afecta cualkier persona di cualkier edad, aunke por observa cu mas frecuencia muhenan di mas di 45 aña y mas cu tur, di mas di 65 aña. E ta un di e malesanan mas comun den e poblacion femenino, post menopausa”, Maria Elena Torresani, experto den nutricion y directora di e estudio di Specialista den Nutricion Clinico di e Universidad di Buenos Aires.
“Personanan cu ta core risico tambe, ta esunnan cu ta hopi delega, esunnan cu ta tuma, durante un periodo largo cierto tipo di remedinan, esunnan cu tin antecedente familiar y esun cu ta consumi masha poco calcium durante periodonan largo, esunnan cu ta huma of ta bebe alcohol of koffie di mas”, el a amplia.

E miho forma pa preveni osteoporosis ta pa medio di e cuidado di salud di e weso henter bo bida. E recomendacion di expertonan ta pa tuma, un promedio di 1000 mg di calcium y 600 unidad di vitamina D durante e bida adulto.

Osteoporosis ta un afeccion silencioso cu no ta presenta su sintomanan. E manifestacionnan clinico ta presenta den etapanan avansa y den hopi caso, e diagnostico ta yega laat. E principal sintomanan ta dolornan di weso (vooral den e zona di e lomba), fractura door di impactonan leve y reduccion di estatura causa door di e colapsonan di bo columna vertebral.

Den e contexto aki, specialistanan ta corda ariba e importancia di realisa estudionan di control pa logra detecta osteoporosis na tempo y cuminsa cu e tratamento oportuno. E fracturanan ta e principal complicacion cu e malesa ta causa: e perdida di densidad mineral den e wesonan ta haci’e mas vulnerabel pa fractura, incluso durante actividadnan rutinario manera cana, keda para of baña.
Aunke hopi cuminda ta contene calcium, e productonan lacteo ta e fuente mas sustancial. E incorporacion na e dieet di yoghurt, lechi y keshi (light of di contenido abao di sodium) ta un medida senciyo y cu un efectividad halto pa e cuido di e wesonan.


Según un estudio realisa pa e Centro de Estudios de Nutrición Infantil (CESNI) mas di e mita di e poblacion no ta consumi porcionnan di lacteo recomenda. E resultado di e investigacion ta duna cu 2 di cada 3 adulto no ta ingeri e dos porcionnan diario di productonan lacteo recomenda (65% di e grupo entre 19 y 30 aña y 69 % di e grupo entre 31 y 65 aña).


Expertonan ta puntualisa e risico di exclui productonan lacteo di e dieet: “Tin evidencia di cu a patron vegano extremo ta asocia cu e deficit di calcium y vitamina D, ambos nutrientenan critico pa e salud di e wesonan, y personana cu ta practica e tipo di dieetnan aki ta core risico di mas grandi di sufri di fracturanan”, Katz a splica. Pa proteha e salud di e wesonan ta importante pa come e porcion husto di proteina, ni di mas ni di menos”.