CARACAS, Venezuela- Despues di casi cuater decada como presidente di e conocido Miss Venezuela y a logra seis corona di Miss Universo, Osmel Sousa ta retira di e presidencia di e organisacion.
Sousa, conoci como “E Zar di Beyesa” a haci e anuncio diamars ariba rednan social.
“Mi a realisa hopi soño, mi a logra triunfonan y mi a duna alegria na un nacion. Awe mi ta dicidi di retira di e presidencia di e Organisacion Miss Venezuela pa e porta grandi, pa e mesun porta cu casi 40 aña pasa mi a drenta teni na man di mi gran amigo Gustavo Cisneros”, el a bisa ariba su cuenta di Instagram.
Aunke e no a duna rasonnan specifico pa su retiro, Sousa a sigura cu e lo sigui lucha y traha pa un miho pais”.
E conocido preparado di missnan a drenta den e buki di Guiness World Record pa a logra cu dos Venezolano a logra haya e corona di Miss Univeso consecutivamente, Dayana Mendoza na 2008 y Stefania Fernandez na 2009.
Sousa a nace na Cuba, pero el a wordo cria na Maracaibo y Caracas.
Miles di usuario a lamenta e noticia y a scirbi mensahenan di gradicimento den e post unda cu e ta anuncia su retiro di Miss Venezuela.
“Bo ta y semper lo bo ta un referencia cultural di beyesa Venezolano. Dios bendicionabo”, Damaris Goncalve a skirbi ariba su cuenta.
“Bo ta e miho. Nos ta gradicibo e coronanan y bo a duna nos e pais e fama di e muhenan di mas bunita”, Spagnolav a scirbi.
Fuente: http://www.elnuevoherald.com