CARACAS, Venezuela- Tres polis morto y un cantidad no specifica di heridonan ta loke e operacion pa caputra e ex inspector di Cicpc, Oscar Perez, kende a trabes di varios video a afirma cu e ta rondona pa funcionarionan Venezolano.
Nan a agrega cu durante e operacion, efectivonan di e forsa di siguridad di Estado a “manda colectivonan di e Fundacion Tres Raices”, cu e plan pa “caba cu tur cos”.
Esakinan a yega na e sitio uzando armanan di candela y tirando contra tur esunnan presente. Den e acto a muri e cabesantenan di e fundacion: Heiker Vázquez, Marilín León y Eudis Otaiza.
Di su banda, sin precisa e identidad, gobierno a informa cu e “integrantenan di e celula terorista, cu tabata forma un resistencia arma, a wordo mata y cinco criminal a wordo captura y deteni”.
Segun e comunicado, e polisnan a wordo ataca di trincion ora cu nan tabata negociando e condicionnan pa nan entrega”.
Dia 27 di Juni ultimo, e ex funcionario di Cicpc, Oscar Perez, a bula riba e sede di e Tribunal Supremo di Husticia (TSJ) y e Ministerio di Interior y Husticia cu un helicopter invocando e articulo 350 di Constitucion Venezolano.
Den respuesta pa e accion aki, presidente di Venezuela, Nicolas Maduro, durante e creacion, 14 aña pasa, di e Frente Francisco de Miranda (FFM), el a pidi e organisamonan internacional pa detene e piloot mas pronto posibel. “E ta un terorista y mester paga cu castigo di prizon”.