Ortopedagosich Centrum y Wit Gele Kruis nan tematica ta e problemanan cu e hubentud ta enfrentando den nan pubertijd, mirando cu nos ta biba den un mundo globalisante. OC ta yuda e hoben, ta corigi’e y pone bek ariba bon caminda. Mr. Andin Bikker ta amplia.
Antes no tabata tin internet ni nada, pero aworaki nos ta den un mundo globalisante. Esey ta pone cu tin otro retonan y e congreso tabata un bon oportunidad pa mayor-, educadornan cu ta traha den e field di diferente area, tanto educacion pero tambe si un hoben desvia di e path, cu p.e., OC ta yud’e, corig’e y pon’e bek den e bon caminda, pa nan reflexiona ariba esaki.
Segun mr. Bikker e mes a experencia un gran parti di e congreso den oranan di mainta, caminda cu informacionnan crucial a bin dilanti. Estudio y casonan cu ta wordo señala, y esaki ta hopi bon, pasobra a base di informacion por traha maneho.
Como gobierno, un suma di 17 miyon a wordo poni adicionalmente ariba e presupuesto existente y asina e ta pas den e maneho pa pone tur e dienstnan, tur e educadornan y tur esunnan cu ta traha ariba diferente area pa bin hunto pa adresa e problema cu nos sociedad ta enfrentando.
Di otro banda, ta tene cu tur e instancianan ta yen, OC ta yen, cu tin mas espacio. Dado momento gobierno no por sigui carga cu tur cos. Mayornan mester tin mas responsabilidad, aunke cu tambe e ta un responsabilidad comparti.
Lo bay crea un asina yama “besloten afdeling” cu ta e parti caminda cu esunnan di entre 12 pa 17 aña, cu a bin den confrontacion cu husticia y a haya castigo, cu nan por wordo interna den OC. Eyden nan lo haya guia, pa nan por bay bek ariba e bon caminda.
Tambe OC tin un dimension di en total, lo bay si entre dagbehandeling y otro departamentonan, tin casi 80 hoben cu por wordo yuda invidualmente. na KIA tin 200 y pico persona cu ta wordo detene anualmente, mientras cu OC ta yudando casi 80 hoben sea door di dagbehandeling of ta wordo interna. Asina tambe OC ta bira cooperando pa e hala hubenil cu netamente ta e personanan cu ta mas influenciabel, cu ta hopi bon pa ora cu nan ta influenciabel pa por purba coreginan, pa nan bin bek.
Na final di dia, lo kier pa tur esunnan cu pa un of otro motibo a desvia di e bon caminda, pa nan wordo rehabilita, pa nan sea personanna ehemplar y pa nan por participa bek den nos sociedad, segun e mandatario di Husticia, mr. Andin Bikker.