Organisacion Mundial di Salud ta sigura cu epidemia di Zika ya no ta consistui un emergencia sanitario internacional

0

NEW YORK CITY, New York – E epidemia di virus di Zika, cu un aña atras a afecta mas di 75 pais, ya a stop di constitui como un emergencia sanitario di alcance internacional, presidente di e Comite di Emergencia di e Organisacion Mundial di Salud, David Heymann, a anuncia diabierna.
E Comite di Emergencia di OMS a reuni awe pa di cinco biaha pa evalua e avanse di e epidemia y a dicidi cu, apesar di su continuo expansion geografico y di algun riba su efectonan neurologico, e epidemia ya no ta constitui un emergencia sanitario.
E Comite a sumi, sin emgargo, cu e epidemia ainda ta “un prioridad” pa e entidad y un problema sanitario mayor “a largo plazo.”
E emergencia a wordo declara dia 1 di Februari ultimo tras di comproba un extraordinario aumento di casonan di microcefalia den babynan relaciona cu e infeccion cu e virus di Zika.
“E emergencia sanitario di alcance internacional a wordo declara ora cu nos a haya sa di un extraordinario y no splica aumento di e casonan di microcefalia. No a declara pa detene e expansion di e infeccion, manera den e caso di ebola, sino pa haci tur cos posibel pa entrende e casonan di microcefalia,” Heymann a splica den un teleconferencia despues di e reunion di e Comite.
E cientifico a recorda cu lunanan despues di e declaracion por a determina cu base cientifico cu e casonan di microcefalia tabata directamente vincula cu e infeccion di Zika, pa loke ta e obhetivo di declara e emergencia a wordo cumpli.
“Nos tabata tin mester di compronde di unda e efectonan aki ta bin, awo nos sa,” el a reitera, asumiendo, sin embargo, cu tur e incognitonan respecto e rasonnan pa loke tin biaha e infeccion tin consecuencianan nefasto y tin biaha no, ta sin resolve.
Ta pesey OMS lo bay establece un grupo di experto pa sigui vigilando e epidemia y su efectonan y haci un esfuerso special den e investigacion, di forma sosteni y a largo plazo.
E presidente di e Comite a splica, ademas, cu otro di e obhetivonan di e declaracion di emergencia tabata pa establece recomendacionnan pa evita e contagio y esaki a cumpli, “cu loke nos a logra e obhetivo.”
“Zika a converti den un problema a largo plazo, di suma importancia, pero cu no ta urgente, ta pesey cu ya e no ta constitui un emergencia sanitario di alcance internacional, aunke pa algun pais, manera Brasil, ta sigui ta un emergencia,” el a conclui.
Fuente: NTN24