Recientemente na Punta del Este, Uruguay, ODEPA a tene nan asamblea general e biaha aki cu un toke historico pa motibo cu despues di 40 aña a eligi un presidente nobo. Un total di 41 comite olimpico nacional di Norte America, Centro America, Caribe y Sur America ta miembro di e organisacion continental ODEPA. Desde di e fayecimento dos aña pasa di e ex-presidente sr. Mario Vasquez Rania, e organisacion di ODEPA a cuminsa traha na cierto cambionan den e deporte den di nos continente y claro pa eligi un presidente nobo pa futuro di e organisacion cual tabata un prioridad. E comite ehecutivo tambe e wordo eligi esaki cada 4 anja y den esaki secretaria general di COA, sra. Nicole Hoevertsz a keda re-eligi. Notable ta cu desde 1998 te cu awor Nicole Hoevertsz ta forma parti di e organsacion continental ODEPA.
E eleccion tabata uno cu hopi lobbymento, strategia y politica unda e tres candidatonan a prepara na mes casi dos aña pa esaki. E tres personanan cu a pone nan candidatura pa bira presidente di ODEPA tabata Carlos Nuzman di Brazil, Jose Cuello di Republica Dominicana y Nevin Illic di Chile. Despues di e prome votacion Cuello y Illic so a sigui mientras Nuzman a cay afor. Na final den un votacion minimo di 26 contra 25, e presidente nobo di ODEPA a bira Nevin Illic di Chile.
Mester bisa cu despues a reuni den 3 grupo esta uno di Norte America/America Central, Caribe y Sur America bou cual Aruba ta cay y aki Sra. Nicole Hoevertsz a keda re-eligi como vocal. Durante e asamblea general e presidente Illic a nombra representantenan di Mexico y St Lucia respectivamente como su secretario general y su tesorero nobo.
Mester bisa cu mesora e Comite Ehecutivo a reuni riba principalmente e desaroyo rond di e Weganan Panamericano di Lima 2019 unda esaki no ta canando na deseo pa motibo di e situacion den e pais. Pa e motibo aki tambe e presidente electo di Odepa, sr. Illigde lo tin un reunion cu e presidente di Republica di Peru pa papia riba diferente punto di precupacion. Un di nan ta sigur e Villa Panamericano.
Ta bon pa bisa aserca cu e Comision di Coordinacion lo bishita e ciudad di Lima, Peru dentro di algun siman pa asina mira kiko tur nan lo por yuda cune mirando cu falta net dos aña pa e inicio di e weganan.
Por ultimo e presencia di e presidente di IOC, sr. Thomas Bach na e asamblea di Odepa a wordo masha aprecia. Un otro punto imporante ta e participacion di hende muhe den e Comite Ehecutivo unda antes esaki tabata consisti di tres persona y awor a amplia pa cinco persona.