CARACAS, Venezuela- E aliansa di partidonan opositor Mesa di Unidad Democratico (MUD) a bandona e proceso di negociacion politico cu a cuminsa diamars ultimo. El a denuncia cu oficialismo no a cumpli cu e compromisonan parta den e prome reunionnan di sondeo.
E negociacionnan politico a bandona e proceso di negociacion cu a inicia na comienso di luna na Republica Dominicana. Esaki a bin despues di alegacionnan di cu e condicionnan no ta duna espacio pa sigui cu e combersacionnan.
E aliansa di partidonan opositor di Mesa di Unidad Democratico (MUD) a denuncia cu oficialismo no a cumpli cu un di e compromisonan registra durante e prome reunionnan exploratioro. Pa tal motibo, “niun hende lo biaha” pa Santod Domingo diaranson, pa asisti na e reunion di encuentro entre ambos partido.
Segun e negociador di oposicion, e diputado Luis Florindo, ta evidente cu si gobierno cumpli cu e condicionnan, esey lo wordo anuncia na e pueblo.
E parlamentario a señala cu tin algun rekisito cu e gobierno di Maduro mester cumpli den materia di derechonan humano y den e ambito electoral. Pero e no a duna mucho detayes ariba esaki.
“Otro tema es que nosotros para concurrir a República Dominicana debemos tener una agenda acordada, clara. Nosotros no nos vamos a prestar para ‘shows’ del Gobierno”, afirmó.
E anuncio aki a wordo ricibi cu aprobacion di varios dirigente di antichavismo, entre nan e gobernador y ex- candidato presidencial Henrique Capriles. Capriles a considera cu e pais mester vota “liber y democraticamente pa cambia e gobierno” y cu dialogo mester ta pasa ariba esaki.
Di parti di gobierno, presidente di e Asamblea Nacional Constituyente (ANC), Delcy Rodriquez a bisa cu oposicion ta “obedeciendo orden” di e presidente Mericano, Donald Trump pa no asisti na e reunion na Santo Domingo.
Fuente: http://www.noticiasrcn.com/internacional