Mesa di Unidad Democratico a bisa diabierna cu e decision di Poder Electoral di suspende e recoleccion di 20% a trata di “un golpi di Estado” y a convoca un mobilisacion na nivel nacional pa diaranson, dia 26 di October.
E principal impulsor di e revocatorio, Henrique Capriles, a bisa cu dicho mobilisa ta wordo denomina “e Toma di Venezuela” y a pidi na tur Venezolano sali “riba caya pa mustra respet pa boso derechonan.”
“Mi ta convoca na henter e pueblo Venezolano pa restitui e hilo constitucinoal cu e gobierno corupto aki a kibra,” Capriles a agrega, kende a extende e invitacion aki na e Forza Arma Venezolano.
“Nos no tabata kier a yega na e punto aki, tin cu wak tur loke nos mester a sortea pa evita yega na esaki. No solamente Maduro a bandona e cargo, sino cu el a laga un bashi di poder,” Capriles a manifesta durante e rueda di prensa na Hotel Pestana na Caracas.
“Otro siman nos ta bay mobilisa den defensa di e Constitucion y nos ta bay mobilisa pa unda nos tin cu bay mobilisa (…) Esaki ta un convocatorio desde e Unidad pa henter e pueblo Venezolano,” e gobernador di Miranda a sigura tambe.
Riba e ultimo cosnan di e cuerponan di siguridad di Estado contra dirigentenan opositor y e menasa di parti di algun vocero di oficialismo, Capriles a responde cu “si nan kier cera nos, wel, akinan tin suficiente hende pa defende e Constitucion.”
El a confirma cu diadomingo lo bay tin sesion extraordinario di Parlamento Venezolano pa debati riba e decision aki y a manifesta e respaldo di MUD na e concentracion denomina “Resteadas con el 2016” convoca pa un grupo di muhenan opositor, entre esnan cu ta destaca ta Lilian Tintori y Maria Corina Machado, pa diasabra, 22 di October.
“E decision aki ta responde na e temor cu e Gobierno tin na e decision di pueblo. Esaki ta terorismo di Estado (…) nan a dicidi di mata e revocatorio,” Ramos a sostene.
El a sigura cu den e Asamblea Nacional, e diputadonan di e Unidad, lo sigui “traha pa haci respeta e Constitucion” y cu nan lo recuri na instancianan internacional.
El a adverti cu durante e debate di diadomingo, nan lo trata temanan cu te na e momento a wordo laga un banda como e supuesto dobel nacinalidad di e presidente Maduro, kende a wordo acusa den varios oportunidad pa tin nacionalidad Colombiano.
Diahuebs, Conseho Nacional Electoral a oficialisa e suspension di dicho recoleccion – programa pa dianan 26, 27 y 28 di October – debi cu tribunalnan di cinco estado (Aragua, Carabobo, Apure, Monagas y Miranda) a admiti recursonan di nulidad contra e proceso di 1% di e entidadnan aki.
Fuente: NTN24