Opinion Publico: ¡Expropiese! vs ¡Construyamos!

0
RBC Juli 2018
ling and sons porciento

Scirbi pa Clyde Harms

Otro luna ta haci 60 aña cu e pueblo di Venezuela a lanta contra Perez Jimenez y a caba cu su dictadura. Como ami tabata na Caracas e siman cu e revolucion a tuma luga, semper m’a keda interesa den e historia di Perez Jimenez. Algun hende a puntra mi con mi ta compara su dictadura cu e dictadura cu ta existi na Venezuela actualmente. Ata algun comentario breve.
Mescos cu e dictadura actual, e dictador Perez Jimenez tambe a actua cu man duro contra e disidentenan y tabata mantene orden cu represion sangriente y cu prison preventivo sin huicio. Pero contrario na e dictadura cu a yama su mes Socialismo del Siglo 21 cu a resulta un fracaso tristo y cruel, e dictadura di Perez Jimenez a laga atras un legado di exito comercial, financiero, administracion gubernamental, infrastructural, cultural y educacional.
Cu e grito di ¡Expropiense!, Chavez y despues Maduro tambe, a expropria y caba cu hopi industria y a causa desempleo asina grandi cu mas di 2.2 miyon Venezolano a emigra pa busca nan suerte otro caminda. En cambio, Perez Jimenez su politica tabata ¡Construyamos! y a crea tanto empleo cu mester a recluta mas di un miyon hende di diferente parti di mundo, especialmente di Europa.
Hopi historiador ta expresa nan admiracion pa tur e obranan grandi cu a wordo ehecuta durante e tempo relativamente cortico di e dictadura di Perez Jiminez. Den un articulo na 2011, e revista “Paréntisis Crítica” e dictador Perez Jimenez a dedica su mes na transformacion di henter Caracas y modernisa e resto di e pais. E avenidanan principal di Caracas ta legado di e epoca perezjimenista. Entre e obranan di su gobierno ta destaca te dia di awe: e Centro “Simon Bolivar” cu e edificionan “Las Torres del Silencio” cu tabata esnan mas halto di America Latina tempo cu nan a wordo construi. Ciudad Universitario cu ta contene Universidad Central di Venezuela (UCV) cu UNESCO a declara patrimonio di humanidad pa su splendor architectonico; e Autopista Caracas – La Guaira, e distribuidor di trafico “El Pulpo”, e brug General Urdaneta cu ta crusa Lago di Maracaibo, e Teleferico di Avila, y hopi mas. Berdaderamente, e lista di obranan ta asina largo cu no ta keda espacio aki pa nan tur. “Paréntisis Crítica” ta calcula cu tur e gobiernonan hunto cu a sigui Perez Jimenez no a haci tanto pa infrastructura di Venezuela. Y e prijs di petroleo durante e epoca di Perez Jimenez tabata apenas 26 a 28 dollar pa bari.
Tal bez e diferencia ta sinta den e inteligencia y preparacion scolastico di e lidernan. Perez Jimenez a gradua di scol militar cu e cijfernan mas halto den historia y te awe su record no a wordo kibra. Nicolas Maduro su educacion pa chauffeur di bus no por tabata mucho y na Cuba nan a siñ’e comunismo pero e no tin e preparacion pa maneha un pais manera Venezuela. Tin hopi historiador cu ta opina cu e gobierno actual probablemente ta esun mas inepto cu Venezuela a conoce, ademas di ta e mas corupto.
Durante tur e añanan di Perez Jimenez, e dollar tabata bal 3.30 Bolivar, y apesar di un economia fuerte, no tabatin inflacion. En cambio, e historia di e bolivar desde cu Chavismo ta manda, ta un castigo pa e venezolanonan. E bolivar a baha di balor asina tanto biaha te cu e dia di awe un dollar ta bal mas di 18 mil bolivar y tin un hyperinflacion di alrededor di 1000%. Asina tanto biyechi di placa mester wordo usa cu ni banconan tin suficiente.
E industria petrolero di Venezuela, e pais cu e reserva mas grandi di petroleo, ta asina mal maneha cu awendia tin racionamento di gasolin y automobilistanan mester para oranan largo den fila pa haya apenas 35 liter. Hopi biaha gasolin ta caba y e automobilistanan mester core di un luga pa otro pa haya un stacion cu si tin. Naturalmente e ora ey e mester para den fila largo atrobe. Tempo di Perez Jimenez esaki no tabata conoci.
Como gobierno ta obliga e panaderianan bende nan productonan na un prijs bou di e lo ke a costa pa traha nan, masha panaderia a cera of nan ta bende solamente ora cu nan logra di haya un lote di hariña na un prijs especial. E resultado ta cu hopi biaha no tin pan na e panaderia. Un columnista a skirbi cu Venezuela ta e unico pais na mundo caminda un cliente ta yega na un banco y e mester puntra si tin efectivo, na un stacion di servicio e mester puntra si tin gasolin, y na un panaderia e mester puntra si ti pan. E grito di Socialismo del siglo 21 por wel di ta “No Hay!”
Contrario na e situacion awor na Venezuela , mescos cu na Santo Domingo den e tempo di e dictador Trujillo, y na Cuba di e Castronan, e cayanan di tur ciudad na Venezuela tabata practicamente liber di crimen durante e añanan cu Perez Jimenez tabata goberna. Por a cana di nochi tur parti di Caracas sin problema. Cu e gobierno actual, cada 20 minut un persona ta wordo asesina na Venezuela y e pais a bira e di dos mas peligroso den henter mundo.
No ta mi intencion di glorifica Perez Jimenez, pasobra e tabata un dictador cruel cu a causa morto di hopi hende cu no tabata di acuerdo cu su politica. E tabata oprimi su pueblo y tambe a kita libertad di prensa. Pero en comparacion cu e dictadura di Socialismo del Siglo 21, Perez Jimenez tabata un genio. E anochi di dia 23 di januari cu Perez Jimenez a huy pa Santo Domingo abordo di La Vaca Sagrada, el a laga Venezuela un pais hopi miho cu el a haya 10 aña prome. [email protected]

Comments

comments

C: Heineken
new india
dvg