VIENNA, Austria- E produccion conhunto di OPEP a bolbe subi luna pasa a pesar di e strategia oficial di recorta e produccion y asina reduci e exceso di oferta ariba un mercado cu, segun datonan publico door di OPEP, ta sigui haya mas crudo di loke nan ta consumi.
E diescuatro miembronan di e Organisacion di Paisnan Exportador di Petreoleo (OPEP) na Juli a produci 32.86 miyon bari diario, cual ta 173 mil of 0,5% mas cu e luna prome. Esaki ta datonan di fuentenan secundario menciona den un informe mensual riba e situacion di e mercado emiti diahubes na Vienna.
E produccion conhunto di OPEP asina pa cuater luna lo aumente y ta acerca e 33 miyon di bari diario cu OPEP tabata produci na december ultimo, na momento cu e grupo petrolero y varios otro productornan grandi a yega na un acuerdo pa retira for di mercado 1,8 miyon di bari diario. E acuerdo aki a wordo renoba na Mei ultimo.
Lybia y Nigeria, paisnan cu a keda exclui di e pacto di recorte dor di problemanan di produccion cu nan tabata pasando aden, ta e socionan di OPEP unda cu e produccion a aumenta. ademas di Arabia Saudita.
Di otro banda, Irak, Angola y Venezuela a conoce un caida den nan produccion den luna di Juli. Segun OPEP, e desekilibrio entre suminstro y demanda a bin ta bahando durante 2017 y den e di dos trimester di aña a yega na na 390 mil bari pa dia, di sobre oferta.
Asina mes, tur e cantidad grandi di crudo almacena den e paisnan mas desaroya, y cu mas ta consumi, ainda ta hopi halto y na Juli e tabata marca 3.033 miyon bari, 252 miyon di bari riba e cifrnana di e trimester anterior.
Pa 2008, OPEP ta anticipa un subida di e demanda mundial di crudo di 1.32% te yega na 97.77 miyon di bari petrolero diario.
Un consumo mas grandi cu ta bin acompaña di un aumento similar di e produccion di competidornan di OPEP, specialmente e crudo di diki di Merca.
Fuente: http://lta.reuters.com/