VIENNA, Austria- E industria mundial di crudo lo mester aumenta su inversion pa sigura su mes di por handle e crecimento futuro di consumo y evita escasez di oferta. Asina e secretario general di Organisacion di Paisnan Exportadornan di Petroleo (OPEP), Mohammad Barkindo.
OPEP y otro productornan pafo di e grupo lidera pa Rusia pa recorta e pompmento na 1.8 miyon pa dia (bpd) y asina ahusta e mercado impulsa pa prijsnan cu na 2016 a cay na su nivel mas abao den un decada bou di 30 dollar.
Tanto Rusia como miembronan lider di OPEP, Arabia Saudita, a dialoga riba e necesidad di aumenta gradualmente e produccion petrolero segun cu ta yega e meta proponi, pa exceso di oferta y cu e mercado ta miho balansa.
“Nos siguiente fase ta critico den henter e proceso di sostene e logro aki di balansa e mercado un biaha mas. Tambe recuperacion gradual di e inversionnan y e retorno di confiansa den nos industria”, según Barkindo den un conferencia na Baku, capital di Azerbadjan.
“Un di e desafionan di mas grandi cu nos tin ta di garantisa cu tin nivelnan adecua di inversionnan di un manera predecibel”, el a agrega.
Barkindo a señala cu e ritmo di inversion a cuminsa lanta bek, pero no ta proyectonan di a largo plazo, lo suficientemente solido pa ta “e base di e suministro futuro y e base di e futuro di e industria”.
E titular di OPEP a agrega cu e inversion rekeri pa e sector petrolero den e periodo pa cu 2040, ta wordo calcula na 10.5 biyon pa logra satisface futuro demanda, cual ta spera cu lo supera 111 miyon di bari pa dia.
“Mester haci tur lo posibel pa evita un potencial buraco den e suministro”, Barkindo a conclui.
Fuente: Reuters