DEN HAAG, Hulanda – Ombudsvrouw pa derechonan di mucha, Margrite Kalverboer ta evaluando cual ta e siguiente stap cu e lo tuma, despues cu un muhe a wordo deporta sin su yiunan. Kalverboer ta haya esaki masha iritante. “Un pais civilisa no ta haci e cosnan aki”.
E mama di e muchanan, Howick y Lili kendenan a lanta na Hulanda, a wordo deporta pa Armenia. E mucha homber y e mucha muhe lo ta kedando na un adres cu e mama, cu tabata kendando den un centro di deportacion, no kier a bisa.
Kalverboer ta puntra su mes cual ta e interes nacional pa deporta e mama. Awo e muchanan ta sali perhudica door di adultonan cu no por yega na un acuerdo cu otro.
Prome cu e deportacion, ainda e Ombudsvrouw pa derechonan di mucha tabata tin contacto cu secretario di Estado, Klaas Dijkhoff. E no a kere cu e situacion lo a yega asina leu.
Fuente: http://www.msn.com/nl-nl/nieuws/binnenland/