Omaira Rodriguez -Britten cu poesia dedica na tur hende muhe

0

Mi ta dedica e poesia aki na mi yiu muhe Shamaira, mi rumannan Maria Louisa, Gardenia. Mi cuñanan Ankie, Emerita y Edna. Tur mi sobrinanan y specialmente na tur e muhenan di Aruba, riba nan dia, ” Dia di Hende Muhe.”

” E ser muhe”

Muhenan encantador
muhenan cu hopi amor
muhenan cu a sobresali
muhenan cu a sobrevivi.

Dios a crea ser femenino
cu dedicacion y dominio
pa enfrenta tur obstaculo
cu un sabiduria pa futuro.

Dios a mira den e muhe
e pareha fiel cu un poder
pa forma den su entraña
un criatura como mama.

Pakico tin tanto maltrato
si e muhe su unico trato
ta duna su humilde Amor
wordo respeta i tin balor.

Como mama profesional
tin e puesto hopi special
cu su inteligencia a logra
ocupa puestonan nombra.

Muhenan para tur abuso
enfrenta bida sin fracaso
mustra cu bo meta logra
don cu a wordo demostra.

Muhenan para firme
busca semper bo derecho
corda bida ta wordo forma
pa soñonan cu por realisa.

Autor: Omaira I.Rodriguez-Britten

Comments

comments