Ministerio Publico a yega na un decision den e investigacion cu a keda entrega na posibel violacion di secreto den funcion (ambtsgeheim). A inicia e investigacion relaciona cu dos denuncia entrega dor di sr. Amerigó Thodé. Seguidamente ta sigui un splicacion tocante e motibo, e investigacion i decision.
Dia 4 di september 2014 a tuma luga un reunion di comision cera di miembronan di e comision fiho di Financia di Staten cu miembronan di e asina yama CFT. Partinan di e reunion a keda graba den secreto i transmiti na radio. Presidente di Staten sr. Mike Franco a haci denuncia di esaki dia 15 di september 2014. A sigui un investigacion penal riba ordo di Procurador general dor di Landsrecherche Kòrsou. Relaciona cu e investigacion aki a start un proceso penal cu un veredicto den corte di Prome Instante dia 8 di januari 2016. E denunciante a entrega 28 di januari 2016 i 18 di maart 2016 denuncia contra varios persona i instancia cu segun e denunciante tambe a haci nan mes culpabel na violacion di secreto den funcion.
E denuncianan a keda studia i husga pa Ministerio Publico. Ta trata di denuncianan contra 20 persona i organisacion, entre nan 18 individuo, un acusacion i un partido politico pa violacion di secreto den funcion cometi na 2013, 2014, 2015 i 2016. E conclusion general di Ministerio Publico, despues di a studia e denuncianan, ta cu 19 di e 20 casonan no a resulta den un violacion di un hecho castigabel i no a resulta den un investigacion mas a fondo. Ta trata di entre otro declaracionnan relaciona cu un bishita di trabou, reaccion riba un comunicado di prensa i/of reaccion riba un reportahe publico, tambe duna declaracion riba un punto di bista politico i den algun caso riba persona of instancia cu no ta mara na un secreto den funcion.
Relaciona cu un keho contra un miembro di Parlamento, sr. Hensley Koeiman, tabata necesario pa encarga Landsrecherche Korsou pa haci mas investigacion. Esaki relaciona cu un entrevista den corant i un entrevista na radio cu sr. Koeiman lo a duna dia 5 september 2014. Despues di 18 luna no tabata posibel mas pa haña e entrevista di radio. E entrevista na radio pues no tabata disponibel mas pa e investigacion. E entrevista den corant si tabata disponibel, pero no por a haña e declaracionnan exacto mas di sr. Koeiman. Ademas no a bin sali na cla den e investigacion cu sr. Koeiman tabata sa, of rasonablemente mester a sospecha cu loke el a bisa tabata den violacion di su secreto den funcion i cu e proposito tabata dirigi riba esey. E investigacion pa e motibo ey no a produci prueba nan legal i consistente pa entama un huicio penal, p’esei a seponeer e caso.
E denunciante den su denuncia a haci un apelacion riba igualdad den persecucion. Ministerio Publico den su husgamento a constata sinembargo cu berdad tin similaridad, pero tin mas tanto diferencia identifica. Cerca sr. Koeiman tin por ehempel niun indicacion cu e tabata envolvi den e grabamento di e reunion, tabata di solamente un entrevista den corant, mientras cu e a splica motiva cu e no tabata sa cu e informacion duna tabata informacion secreto cu el a haci publico. Den caso Thodé sinembargo no tabata tin ningun duda den e demostracion di un hecho castigabel; e tabata secreto, e tabata sa esey mientras cu e violacion tabata intencional i comete varios biaha. Sr. Koeiman, contrario na sr. Thodé, si a coopera completamente cu e investigacion.
Ministerio Publico a pone es nan directamente envolvi na altura di e decision pa spiona e caso a base di falta di prueba legal i conviciente