E siman aki ta un siman laboral cortico pa empleadonan publico. Diahuebs 25 di mei 2017 ta un dia liber, esta Dia di Asuncion (‘Hemelvaartsdag’), mientras cu riba diabierna 26 di mei 2017 ta un dia di ATV colectivo. Oficina di Propiedad Intelectual situa na Adriaan Lacle Boulevard 3, ta informa na comunidad cu su oficina lo ta cera pa publico e dos dianan aki.
Despues di e fin di siman largo, Oficina di Propiedad Intelectual ta habri bek riba dialuna dia 29 di mei 2017 pa sigui duna su acostumbrado servicio y atencion na publico. Director di Oficina di Propiedad Intelectual, Sr. Robert Kelly y su personal ta recorda tur cliente pa tene na cuenta e dianan cu oficina lo ta cera y ta gradici tur comprension.