Awor tur e habitantenan den area di Pos Chikito bin ariba por conta cu e oficina di ayudo social di gobierno. Nan ta trata casonan di tereno, inmigracion y labor. Por bisa cu e oficina ta un mini Bestuurskantoor. Sra. Terry Gumbs cu e desaroyo.
Asina ta cu tambe Minister Presidente a splica na e apertura oficial di e oficina cu tur e proyectonan cu tin di haber cu San Nicolas por pasa libremente na e oficina pa haya e orientacion cerca Sra. Gumbs.
E servicio tabata bon. Nan a haya rond di 400 y pico hende cu a bin den e 100 dia na e oficina di orientacion social. Poco poco mas y mas hende ta cuminsa bin pa busca solucion pa nan problemanan social. Nan t’ey pa duna conseho y e ayudo of ta mandanan pa departamentonan concerni.
Tambe a logra haya e bishita di varios Ministernan, e.o. di Otmar Oduber, Chris Romero, Andin Bikker y Glenbert Croes cu lo cual ta hopi gradici. Sra. Gumbs ta extende e invitacion na Ministernan Xiomara Maduro, Minister President Evelyn Wever- Croes, Minister Dangui Oduber y Minister Lampe.
Nan tin contacto cu e bureau di e ministernan. nan lo por pasa den e dianan cu ta bin pa nan tambe duna servicio pa pariba di brug. Sra. Gumbs a sigui bisa cu nan kier pa San Nicolas cuminsa florece un biaha mas, pa nan haya oido di loke nan mester. Nan kier pa tur hende sa cu gobierno ta serio cu San Nicolas y tin tur e apoyo di e gobierno.
E meta ta pa yuda mas hende cu por na San Nicolas y nan tin e apoyo di gobierno pa cu esaki.
Pa cualkier informacion por tuma contact na 5284940. Si e persona ta yama na e number e ta nan ta willing pa duna e ayudo cu tin.
Loke nan kier logra pa pariba di brug ta pa tin trabao, y Citgo lo ta un proyecto crucial y ta spera cu por haya un solucion cu esaki lihe, segun Sra. Gumbs.