E di dos evento organisa pa Aruba Triathlon Association tambe a resulta den un exito rotundo. E Guardian Group Off Road Aquathlon Sprint y Super Sprint na Arashi a conoce un total di 57 participante. Tanto den e categoria di adulto como di mucha e evento tabata bon atendi. Den e Off Road Aquathlon Super Sprint mester a core un distancia di 2.2km pa despues landa riba un distancia di 375M pa despues finalisa e evento cu un careda na pia di 1.3km. Pa loke ta e Sprint e participantenan mester a inicia e evento cu un recorido na pia di 4.4km pa despues landa un total di 750M pa despues finalisa e evento cu un careda na pia di 2.6km. E landamento a tuma luga den e awanan di Arashi, mientras e careda na pia a tuma luga ariba e beach di Arashi mientras cu a pasa patras di Lighthouse. Pa loke ta e resultadonan final mester bisa cu den categoria Overall Masculino, Giannon Eights ta gana den un tempo di 39.27. Na di dos lugar a keda Fransisco Rivera cu 43.48 y na di tres lugar a keda Sean Toppenberg 43.56. Den categoria Femenino, ta gana Linda Smith den un tempo di 49.19. Na di dos lugar a keda Amadee Nicolaas cu 50.11 y na di tres lugar a keda Sandra Postma .57.02. Den e Relay Open, e prome lugar a bay pa Flory Kock/Zyhon Geerman den un tempo di 49.19, di dos lugar Gregory Wouters/Kelvin Gama 39.10 y na di 3 lugar Kenrick Pichard Joshwa Jansen 40.23. Den categoria Kids Masculino, Tyree Koeiman cu ta gana den un tempo di 24.00. Na di 2 lugar a keda Christiaan Jansen cu 24.59.y na di 3 lugar a keda Rylan Semeleer cu 25.08. Den categoria Kids Femenino, ta gana Rebecca Janse den un tempo di 26.35. Na di dos lugar a keda Aleeza Semeleer cu 26.46 y na di tres lugar a keda Vera-Elise Bakmeyer 27.06.
E proximo evento di Aruba Triathlon Association lo ta 11 di maart, e biaha aki un Triathlon Super Sprint y Sprint cu lo tuma luga na Boca Catalina pa7 di mainta.
Un danki sigur na Lotto, e Loteria di Aruba pa medio di Stichting Sportsubsidie Aruba cu ta subsidia e evento di Guardian Group Off Road Aquathlon Sprint y Super Sprint organisa pa Aruba Triathlon Association
Cumprando weganan di Lotto, e Loteria di Aruba manera Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e diferente weganan di Raspa Y Gana, bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.