NEW YORK, Merca- E Organisacion di Estadonan Americano (OEA) diabierna a aproba un resolucion cu ta exigi gobierno di Venezuela pa cancela eleccionnan presidencial di dia 22 di April y a propone otro eleccionnan “husto, liber y cu observacion internacional”.
E resolucion a aproba, a pesar di e rotundo rechaso di Venezuela y Bolivia pa celebra e reunion, cu 19 voto na fabor, 5 contra, 8 abstencion y 2 ausencia.
Esaki ta e prome sesion di OEA over di Venezuela desde cu e Asamblea cu e organismo a celebra na Cancun, Mexico na Juni aña pasa. Akinan e paisnan den Caribe, en bloke a salba Caracas di un resolucion di condena regional.
E vice minister di Venezuela pa Norteamerica y representante di ONU, Samuel Moncada, a acudi na OEA pa protesta pa e convocatorio di e sesion aki, ya cu e ta considera e sesion aki tin e meta di “lincha Venezuela”.
“E obhetivo ta di reinicia un ola di violencia for di e luga aki. Y tin tanto problema den e region, e caso di Honduras (denuncianan di fraude electoral), nunca nan tabata eynan, a pesar di e gravedad”, e diplomatico a señala.
Moncada a laga sa bon cla cu su gobierno ta rechasa tanto e convocatorio di e reunion como e resultadonan cu a sali for di esey.
Un di e impulsornan di e sesion, e embahador Mexicano di OEA, Jorge Lomonaco, a defende e reunion, bisando cu ta trata di un “cuestion urgente” y cu e “circunstancia excepcional”, pa cual “OEA mester actua awo, ya cu silencio ta señal di complicidad”.
Solamente Bolivia a sali na defensa di Venezuela, mientras cu su aliadonan, manera Ecuador y varios nacion Caribeño a mantene silencio.
E embahador Boliviano, Diego Pary, ademas a argumenta cu e convocatorio di e sesion no ta cumpli cu e reglamento di OEA, el a denuncia cu “tin otro problemanan den e continente di cual e Conseho no ta admiti”, incluso, el a enfatisa, “problemanan den e organisacion”.
Den e resolucion proponi, e paisnan ta “considera” cu e convocatorio di eleccionnan presidencial pa dia 22 di April ta “haci e realisacion di eleccionnan democratico, transparente y creibel di e conformidad cu e normanan internacional, imposibel”.
Asina ta, nan ta “exhorta gobierno di Venezuela pa reconsidera e convocatorio prematuro di eleccionnan presidencial y presenta un calendario electoral cu ta haci posibel e realisacion di eleccionnan cu tur e garantianan necesario pa un proceso liber, husto, transpartente, legitimo y creibel”.
Pa su aprobacion, e resolucion mester di e apoyo di 18 pais di OEA, e mayoria simpel di su 35 estadonan miembro.
Fuente: http://www.el-nacional.com