Ocho candidato/aspirant di Warda Costa di Caribe Hulandes diamars 13 Maart a ricibi nan diploma pa nan estudio di Polis Caribense y Warda Costa (OCPK). Desde 2014 Warda Costa ta conecta cu e estudio na e Academia Policial na Bonaire. Despues di dos aña nan ta ricibi nan diploma ariba MBO- 3 niveau.
Durante e graduacion a hiba palabra director di Warda Costa, general Peter Jan de Vin, Sectorhoofd Basis Politieonderwijs, Pauline van Panhuis y Korpschef di Cuerpo Policial di Caribe Hulandes (KPCN). Minister di Husticia di Corsou, Sr. Quincy Girigorie tambe tabata presente. E ceremonia a wordo dirigi pa e teamchef BPO, Rob Appelhof cu tabata tin un anecdota corto di cada un di e candidatonan aki. Despues di cumpli cu un modulo di estudio di Warda Costa, unda cu lo amplia ariba e legislacion specifico ariba lama y e operación di embarque, e candidatonan lo ta cla pa bay traha na un di e steunpuntnan di Corsou, St. Maarten y Aruba.
Director di Warda Costa, general de Vin tabata super orguyoso di e candidatonan nobo y tambe nan famianan, amigo y coleganan cu tabata presente. Despues di e ceremonia e invitadonan por a disfruta di un lunch suculento na encargo di e klas nobo di e periodo 2017- 2019.