CIENCIA
Un investigacion riba un di e partinan Oceanico cu temperatura mas halto registra a permiti pa reconoce cu e superficie di e awanan artico ta den reduccion. Esaki kiermen cu pronto esakinan lo por pasa forma parti di oceano Atlantico.
Sigrid Lind, di e Instituto di Investigacion Marina di Tromso (Noruega), a detaya cu, noord di e Barets Sea (e punto central di e calentamento di Artico), e aumento di temperatura a profundisa desde aña 2000.
E problema a bira mas grave debi cu, ademas di e circunstancianan, oceano Atlantico a cuminsa gana tereno y transforma e caracteristicanan di e awa, según un publicacion di Nature.
Antes, noord di e Barents Sea, tabata tin ijs ta drief, cu ora cu e smelt, e tabata mantene e awa frieu na e superficie. Esaki tabata contribui cu e awa mas cayente, di Atlantico, tabata keda abao.
Ora cu e cantidad di masa di ijs a baha, e awa Atlantico a gana tereno, a haci lama mas cayente y a aporta na awa mas salo. Esaki a deriva den un modificacion drastico di e structura Oceanico y a provoca cu e ijs di e superficie a disparce “casi completamente”.
Lind a conclui cu e “region ta cambiando pa un clima Atlantico di manera acelera” cu locual ” a menos cu e entrada di awa dushi recupera”, lo por termina cu’n structura di “awa cayente” cu lo bira “parti di e dominio di Atlantico”. Esaki lo haci cu gran parti di e habitantenan di Artico lo por hayanan obliga di emigra bay noord.