Ciencia
Astrofisica a drenta den un era nobo, despus cu un ekipo di cientifico a anuncia dialuna cu , pa prome biaha den historia, por a observa e fusion di dos strera di neutrona a trabes di su lus y su olanan gravitacional.
Esaki a tuma luga dia 17 di Augustus ultimo, ora cu e telescoopnan localisa den varios punto na Mundo y den satelitenan cu ta orbita rond di nos planeta, a saca imagennan di e fusion di dos stera di neutrona.
E colision aki, conoci como kilonova, ta un hecho riba cual tabata bin ta teorisando pa 30 aña caba, pero ta te awo nunca por a wordo observa.
Ta wordo calcual cu e olanan detecta na Augustus a wordo emiti na 130 miyon aña luz di distancia, loke ta haci e evento di olanan gravitacional como e explosion di rayonan gamma mas cera detecta, te cu aworaki/
E descubrimento, anuncia den caudro di e Conferencia Astrofisico di Olanan Gravitacional cu a wordo celebra dialuna den e ciudad Mericano di Baton Rouge (Louisiana). Esaki a permiti astronomonan observa pa prome biaha den e mesun evento, e ola gravitacional y lus (radiacion electromagnetico).
E suceso, ademas, a permiti pa observa cu durante e kilonova, particulanan di oro y platino a dispersa den espacio. Door di e hecho aki por conclui cu e elementonan aki ta wordo genera door di e tipo di colisionnan aki.
Fuente: http://www.elperiodico.com/